28‏/11‏/2017

بكام من فضلك ؟! السعر إنبوكس يافندم

السعر أنبوكس

هذا الموضوع بكل ما فيه منقول وذلك في محاولة لفهم سبب إرسال الأسعار على الخاص وبعض هذه الحالات الموجودة في الموضوع هي أسباب تجعلنا لا نجعل أسعار خدماتنا عامة
- بكام من فضلك !؟

= السعر إنبوكس يا فندم
طيب ليه بيعملوا كده ؟! ليه بيستفزونا ، مش هنشتري يا عم خلاص ...
بالنسبالك الموضوع ممكن يكون مستفز ، لكن في حقيقة الأمر ، فالأصح هو إنه يبعتلك السعر علي الخاص ...
قوللي ليه ؟!
خلينا في الأول نسأل الأسئلة المهمة ، إنت إيه مدي إهتمامك بمعرفة السعر ؟!
فيه تقارير وضحّت قبل كده إن نسبة كبيرة من اللي بيسألوا علي سعر السلعة مش بيقرروا شرائها حتي ولو كانت رخيصة بالنسبالهم ، طبعا الموضوع عميق جدا في تحليل سلوك المستهلك لكن الحقيقة إن فيه مليون سبب ممكن يخلوك تسأل علي سعر السلعة غير إنك تشتريها ..
ممكن تكون بتسأل بدافع الفضول مش اكتر
ممكن تكون بتسأل عشان تتريق علي سعر السلعة المبالغ فيه
ممكن تكون بتسأل عشان إنتا منافس و بتحلل السوق
ممكن تكون بتسأل عشان تقارن بين أسعار X ، و أسعار Y
و هكذا ، مش معني إنك سألت علي سعر المنتج يبقي درجة إهتمامك بيه عالية
و بالتالي البيزنس اللي إنتا دخلت تسأله محتاج يتأكد من درجة إهتمامك و مدي قدرتك علي شرائه ، و معندوش وسيلة يتأكد منها غير إنه يحط قدامك طريقة إستفسار أصعب
عشان يعرف مدي إهتمامك ، فالمهتم فعلا هيخش يسأل إنبوكس بدل ما هيكتفي بالتعليق ، و اللي مش مهتم ، مش هيكمل ...
هل ده السبب الوحيد ؟! لأ طبعا فيه أسباب تانية
- فيه حاجة إسمها Cost Per Click ، و دي معناها هي التكلفة مقابل التفاعل الواحد اللي بيحصل علي الصفحة ، و بتتحسب من خلال قسمة ميزانية الإعلان كاملة ، علي عدد التفاعلات اللي حصل علي البوست
لما اي بيزنس "فاهم" بيقرر إنه يعمل إعلانات بيركز علي حاجتين مهمين جدا :
الوصول لأكبر عدد من الشريحة المستهدفة
الوصول لأقل تكلفة مقابل التفاعل الواحد CPC ..
طيب دلوقتي هنفترض مثلا إن البيزنس ده قرر إنه يعرض سلعته علي الصفحة
و حضرتك دخلت قررت تسأل علي السعر في أول تعليق علي البوست
و هو رد علي حضرتك بالسعر ، هل فيه حد هيسأل تاني ؟!
لأ
عدد التعليقات المتكرر بالسؤال عن سعر المنتج ممكن ينخفض او حتي ينعدم لأن الناس عرفت السعر خلاص ..
فبالتالي تكلفة التفاعل الواحد هتزيد جدا و التفاعل نفسه هيقل جدا ، و بالتالي الوصول هيقل و الإعلان مش هيكون ليه مردود كويس مقابل التكلفة اللي إتدفعت فيه ..
إنتا بينك و بين نفسك هل هتكون متحمس تسأل علي حاجة في بوست باين إن التفاعل عليه ضعيف ؟!
فيه سبب تاني بس مش قوي ممكن يخلي اي بيزنس علي الفيسبوك يرد الرد اللي انتا مش بتحبه ده بتاع "السعر إنبوكس" ..
هو سرعة تغير سعر السلعة ، في ظل إرتفاع الأسعار حاليا صعب تلاقي سلعة أسعارها ثابتة لوقت طويل
تخيل كده دخلت علي بوست سألت علي سعر سلعة و رد عليك في التعليقات
و حد دخل بعدها بشهر مثلا شاف نفس البوست و لقي السعر 100 جنيه مثلا
و علي الأساس ده قرر يروح لمقر البيزنس ده و يشتري ، و إتفاجئ إن السعر زاد و بقي 150 جنيه
إنتا متخيل الصورة السلبية اللي ممكن توصل للعميل ده ؟!
متخيل حجم المشكلة اللي ممكن يعملها للبيزنس ده بناء علي إنه أخذ قرار الشراء و عمل مشوار لمقر البيزنس ده عشان يدفع 100 جنيه و فجأة لقي نفسه عند الكاشير هيدفع 150 جنيه !!
فيه أسباب تانية كتير لكنها فرعية مش أساسية ، زي تجنب التعليقات السلبية و التريقة و اللي اصبحت متكررة بشكل مبالغ فيه :
- بكام
- بـ 100 جنيـه يا فندم
- ههههههه ليه بتمشي لوحدها !؟
- إزاي 100 جنيه يعني بتنور في الضلمة !؟
- انا جبت زيها بالظبط من فلان بـ 80 جنيه بس

و التعليقات السلبية دي بقت متكررة نتيجة لإنعدام ثقافة الشراء أونلاين عند شريحة كبيرة من الناس 

👈 إذا نالت الملفات على إعجابك فننتظر منك مشاركة الموضوع ليصل لغيرك " فيد واستفيد "
👌 للحصول على مكتبة shutterstock التي تحتوي على 21434 صورة عالية الدقة
إضغط على الصورة

مكتبة shutterstock بعدد 21434 صورة عالية الدقة


كل ما يُنشرعلى هذه الصفحة بإذن الله عينة بسيطة من هارد المصمم العملاق الذي بلغ محتواه ما يزيد عن 9000 جيجا " 9 تيرا " بفضل الله
  ويمكنك إقتناءه بدون تحميل وإهدار للوقت ، وتستطيع التعرف عليه أكثر وطلب نسخة منه إن أحببت من خلال هذا الرابط

https://www.9000giga.com

📷 أختر ما تريد تحميله من موقع شترستوك من صور وفيكتور ومقاطع مونتاج

تحميل صور وفيكتور ومقاطع شترستوك " shutterstock "

تابعنا على صفحتنا على الفيس بوك
هارد المصمم العملاق
✉ يمكنك أن تراسل الصفحة مباشرة لأي استفسار عبر صندوق المراسلة هذا

هارد المصمم العملاق
2018-09-13T13:30:18Z

هارد المصمم العملاق كنز كل مصمم و مونتير